|
داستانێ کوڵێ هه‌ورامیانێ درباره وبلاگ مطالب اخیر
آرشیو وبلاگ نویسندگان شنبه 9 شهریور 1392 :: نویسنده : نسیم هه‌ورامان
چۆکڵێش کۆ کەردێوە و نیەشەو سەرو یۆی ، ئەشقارتێش تەقنا ، ئەیر گیسیانە، گرد لەیوی
ئێرش گێرت . بە هیچ لەونێۆ نەکۆشیوە ، فرە تەرسێ بێ ، نەزانێ
چێش کەرۆ ، کە بە دەنگ
وبانگی وەرمەنە چلاکیارە . زاناش وەرمش دیەن ئۆخەیوش کەردو فرە وە ش حاڵە بیە . هورستەو پیاکەش های کەردەۆ ، لوا
پەی هۆدەو(١) زاوڵەکاو دوە کورە گەورەکەش وەرمەنە هۆرزنەێۆە . دەس و دیمش
گێرت و نماکێش وەنە . ئارومێۆکاڵێشا بێنێ . هاردەکێش کەنوەکەنە (٢) بەرئاردێ ودەسش کەرد بە هەمیر شێلتەی ، فەرە مێزەکێش (٣) پەمپ
داو گیسناشینەو خەریکۆ نان پەتەی بیە.
عەبەی چڕیش ئەذا گیان
نانت پەتەن،زبێ جوابش داوە ئەذالێ بۆقوربانت ئەرێ
گیان بۆدوێ موچێ نانی گەرم بەرە،ماسەکەیچ
بەرە چەنی تاتێت نان وچایەکەی تا وەردێ و گندێ ڕا. قەراربێ ٥ تا ٦نەفەرێ جەقەوم وهامسایاشا ئارو بەیا یارڕیشا مێۆ کاڵای.
ئێذێ دوێ یەرێ ڕوێ یارڕی ئاذیشآشا دابێ. ئاذیچێ دەسەوامشا سەروبێ. زبێ دماو نان پەتەی
قورو پیاڵەو هەوەڕەکێش جەمێ کەردێو پێتێ
شەو نیەیش دلێ گڵێمێۆێ دەێش کۆڵێشەرە،کۆنەکەش هورگێرت
ولوا پەی هانەو مالمینی(٤) پەڕش کەرد ئاوی و ئاذیچش دا
کۆڵێشەرە،کەوتە ڕا پەی خەڵەفێ(٥). دوێ یاگێوە کۆڵەکەش
نیارەو سەیاوە. ئاخێوش هورکێشت و واتش: وەشڵەی بە ئەوسای، بێ ئەوەسەیای
تا خەڵەفی نەمدرینی.ڕەحمەت بابەو ئانەیە واتەنش:
جوانی خۆ لوا یاذش بە خەیربۆ بە پیرشادنەبۆ هەرکەسێۆ ژیربۆ دیسانۆ کەوتەو ڕا نەبیەبێ وەختۆ چاشتینگای یاوا دلێ مێوە دەیمەکێ شا. بێ قەزایۆۆ مێۆکاڵەکاو زاوڵەکاو پیاکەیش کەردش، لوا لاو کێڵەکەیەنە نیشتەرە. کۆچێۆ ئاۆۆ کۆنەکەێش کەردەرە پارچێۆەو چەنی جامڵێوی فافونی بەردەش پەی لایشاو دەێش پەنە. کۆچێۆ چۆکڵێش گلێرێ کەردێوەوئاوردێش پەی لاو ئێرگاکێ، ئێرش کەردەو قوریەکیش پەرێ کەردێ ئاوی نیەش سەرو ئێرگەێ کێوە، نان و عەلاوەێش ئامادە کەردو سیراج و کەرەکەش نیاسەرو سفرەیەو چڕیش ونەشاو واتش: نان وچای حازرا فەرماودێ. ئاذیچێ دەسشا جە کاری وەرداوئامێ پەی لاو کێڵەکەی. زبێ خەریکۆ چای کەردەرەی بێ، ناوامە چێۆش هەست کەرد لاڕانشۆ جم و جۆڵ کەرۆ، تەرسێۆە نیشتە دڵش، بەلام نەکەردش کارێو کەس بزانۆ. زوو دەسش بەرد رانش گێرتش، ئێنە تن دەسش نیا رانشەرە جم وجۆڵ نەمەن . ئەرجیاش سەروماریا بەلام هیچش نەوات، پەو دەسەکەیش چایەکەش کەردەرەو هەرمانەکێش کەردێ وکارەکێش وستێ ڕا. کۆرەکەیش واتش: ئەذا گیان چی بە دەسێوت هەرمانێ کەری. ئاذیچێ واتش: هیچ نیا ڕوڵەگیان نانەکەیت وەرە. زبێ هورستەو لوادلێ کێڵەکەی بزانۆچێشا. تەماشەش کەرد مارێوی سیاوی زەڕەتاڵا،ئێنە تن سەرەش گێرتەن تۆپان،مارە تۆپاکەش ئاورد بەرو فڕەش دا و بە تەوەنێوە سەرەومارەکەیش پان کەردەو.مێۆ کاڵەکێ سەرەشا سڕمەنەبێ،واتشا: ئی مارەتە چکۆ کۆشت ، چی بە ئێمە هیچت نەوات؟ شوەکەیچش واتش: مارەکە ت چنی کۆشت؟چکۆ بێ؟مارەکەی نەگەستێنی؟ زبێ جەریانو کۆشتەۆ مارەکەیش پەی گێلنەێوە واتش: خەفەت مەوەردێ،نان وچایەکەیتا وەردێ. شوەکەیش شوکرو خوایش کەردوواتش: چی دەوروبەرەنە تەنیا مێۆەکۆ لالۆ مەحموذی نەکاڵیەینە،سەوای باگردیما پێوەرە بەیمێ و یاررێش دەیمێ و ئاذیچێ کاڵمێ. نوع مطلب : برچسب ها : لینک های مرتبط : آمار وبلاگ
|
||
 |
