مرتبه
تاریخ : شنبه 23 فروردین 1399
چورس منظومه سی
یاخیندان، اوزاقدان گؤرسنیر جنت
یاشیل باغلاریلن، بولاقلاریلن
سانکی بزه نمیش بیر گلین دیر اوردا
ماوی گؤزلریلن، یاناقلاریلن
ایسته ر ایسته مز سن, سنی جلب ائدیر
اودور کی دولودور قوناقلاریلن
سمایه باش چکمیش داغلار دؤشونده
قویون سورولری یاتاقلاریلن
کؤنلوندن نه کئچسه بول- بول میوه لر
ساللانمیشلار یئره بوداقلاریلن
بیلمیرم نه سیردیر الهی بوردا
هر یئردن سو آخیر بولاقلاریلن
یای فصلی گلنده ساری سونبولدن
بوغدا، آرپا داشیر چاناقلاریلن
سئوگی سئچن زمان جوان اوغلانلار
تئللرین داراردی داراقلاریلن
قیزلار دا گئدردی بخت ائولرینه
جهیزله دولدورموش تاباقلاریلن
شیرین صحبتلری آنالار دئییر
سانکی بال سوزولن دوداقلاریلن
ایندی بو توصیفله سن منه سؤیله
هانسی جنت دیر او، گول باغلاریلن؟
قوی دئییم من سنه آنا یوردومدان
تکجه چورس اولار بو اوصافلاریلن
تاریخدن سؤز آچار، دانیشدیراندا
قیرمیزی مسجدی اوتاقلاریلن
سای سیز بولاقلاردان ایچملی سولار
تؤکولور هر یانا بول آرخلاریلن
یادیما دوشنده اوشاقلیق چاغی
تای- توشلا بیرلیک ده ایشیق بولاغی
صفالی باغلارین، بولبولون سسی
اوخشاییر روحلاری، سازلیر قولاغی
بوغدالار آز قالیب یئتیشن زمان
حاصل توپلاماغا چؤله گئدردیک
ایشدن چیخان زمان هر آخشام چاغی
تونقال قالایاردیق، سونبول اوتردیک
سونرا سونبوللری اللریمیزده
اوواردیق هوسله اونو یئیردیک
قارا گویوملرده سو قایناداردیق
سونرا او سو ایله چای دم ائدردیک
نه گؤزل اولاردی او چایین دادی
اوتوروب کؤلگه ده یئییب ایچردیک
ای منیم وطنیم، سئوگیلی یوردوم
شعردن، نظمدن بیر قالا قوردوم
قالانی اوجالدان سنین آدین دیر
اونون زیروه سینده فخریله دوردوم
استاد عباسقلی طاهری چورسی
از تبریز
یاخیندان، اوزاقدان گؤرسنیر جنت
یاشیل باغلاریلن، بولاقلاریلن
سانکی بزه نمیش بیر گلین دیر اوردا
ماوی گؤزلریلن، یاناقلاریلن
ایسته ر ایسته مز سن, سنی جلب ائدیر
اودور کی دولودور قوناقلاریلن
سمایه باش چکمیش داغلار دؤشونده
قویون سورولری یاتاقلاریلن
کؤنلوندن نه کئچسه بول- بول میوه لر
ساللانمیشلار یئره بوداقلاریلن
بیلمیرم نه سیردیر الهی بوردا
هر یئردن سو آخیر بولاقلاریلن
یای فصلی گلنده ساری سونبولدن
بوغدا، آرپا داشیر چاناقلاریلن
سئوگی سئچن زمان جوان اوغلانلار
تئللرین داراردی داراقلاریلن
قیزلار دا گئدردی بخت ائولرینه
جهیزله دولدورموش تاباقلاریلن
شیرین صحبتلری آنالار دئییر
سانکی بال سوزولن دوداقلاریلن
ایندی بو توصیفله سن منه سؤیله
هانسی جنت دیر او، گول باغلاریلن؟
قوی دئییم من سنه آنا یوردومدان
تکجه چورس اولار بو اوصافلاریلن
تاریخدن سؤز آچار، دانیشدیراندا
قیرمیزی مسجدی اوتاقلاریلن
سای سیز بولاقلاردان ایچملی سولار
تؤکولور هر یانا بول آرخلاریلن
یادیما دوشنده اوشاقلیق چاغی
تای- توشلا بیرلیک ده ایشیق بولاغی
صفالی باغلارین، بولبولون سسی
اوخشاییر روحلاری، سازلیر قولاغی
بوغدالار آز قالیب یئتیشن زمان
حاصل توپلاماغا چؤله گئدردیک
ایشدن چیخان زمان هر آخشام چاغی
تونقال قالایاردیق، سونبول اوتردیک
سونرا سونبوللری اللریمیزده
اوواردیق هوسله اونو یئیردیک
قارا گویوملرده سو قایناداردیق
سونرا او سو ایله چای دم ائدردیک
نه گؤزل اولاردی او چایین دادی
اوتوروب کؤلگه ده یئییب ایچردیک
ای منیم وطنیم، سئوگیلی یوردوم
شعردن، نظمدن بیر قالا قوردوم
قالانی اوجالدان سنین آدین دیر
اونون زیروه سینده فخریله دوردوم
استاد عباسقلی طاهری چورسی
از تبریز
ارسال توسط یوسف غیورزاده چورسی
آخرین مطالب
