کاکە فه‌تحوڵڵا ڕه‌زایی شاعێر و نویسه‌روو هه‌ورامانی
تاتە* جە زوانوو زارۆڵەو هەورامانی*
*** تاتە ***
تاتە گیان یا خوا وەش بی
پێسەو وەهاری گەش بی
ئاوات و تاسەم تۆنی
هێز و هەناسەم تۆنی
بینایی چەمام تۆنی
خەم وەروو خەمام تۆنی
گیانم ، باوانم تۆنی
ڕۆح و ڕەوانم تۆنی
مامۆسا و میرم تۆنی
خەیاڵ و ویرم تۆنی
تان و پۆ دڵیم تۆنی
عەتر و بۆ گوڵیم تۆنی
ڕاز و نیازم تۆنی
ئاهەنگ و سازم تۆنی
بێ تۆ کز و کاسەنا
ڕەنگ زەرد و کەساسەنا
چنی تۆ بوو شاۮەنا
بێ باک و ئازاۮەنا
تاتە ئەڵڵا یارت بۆ
دایم ئاگاۮارت بۆ
***فەتحوڵڵا ڕەزایی***
ڕۆ تاتەی بە تەماموو تاتاو کوردەسانی بە تایبەت
تاتە زەحمەت کێشەکاو هەورامانی مەبارەک بۆ
طبقه بندی: شعر،
شعری از خودم:
من هەراڵه برەمەنا *** گوڵێڤوو کەشوو کۆیەنا
من گوڵێوی فره وەشەنا ***وەلی فره بێ قەإرەنا
ئەوەڵەوه فره بێنێ***ئیلاو ئۆلاوه بێنێ
وەلی ئیسه کەمەنا*** هیچ لەیوەنه دیار نیەنا
تۆ مزانی چی من نیەنا؟***چۆنکه من پڕنەی پڕنا
من پڕناو بەرام پاره***لێکنام شیشەکی شاره
دمو چننێ سەعاتێره***من وزا وەروو جاإەی ره
وختێو من کەوتانیەره***گەلاکێچم مڕێزاره
هەر چاگه من مروونه***ئێتر من مەمه نوونه
تا دیسان من بەر بەونه***شش سالێ توول کێشۆنه
دمۆ شش ساله کیچەره*** من پڕناو بەرام پاره
یا خوا مەخلۆق فێر بۆنه*** ئێتر من نە پڕنۆنه
ئاواتوو من ئانەنه***که ئێتر من نه پروونه
تا من که رو زندەگی ***به رووش راوه به وەشی
طبقه بندی: شعر،
گفتم:که از که پرسم،جانا نشان کویت****گفتا:نشان چه پرسی،آن کوی بی نشان است
گفتم:مرا غم تو،خوش تر ز شادمانی****گفتا:که در راه ما،غم نیز شادمان است
گفتم:که سوخت جانم ،از آتش نهانم****گفت:آن که سوخت،او را،کی ناله یا فغان است
گفتم:ز«فیض»بپذیر،این نیم جان که دارد****گفتا:نگاه دارش،غم خانه ی تو جان است
فیض کاشانی
طبقه بندی: شعر،
ئــــــــارو واران بی
وارانیو وارا که ش و کوش ته ر کــــه رذ
خه م و په ژاره رش جـــه دلی لا به رذ
...
ئاسمان گروا زمینش که رذ شــــاذ
دل دیا ،ئه وسه ر خه مش دا وه باذ
پلوو ره وارانی داش سه روو که شا
ماوام ره نگین بیو واتم فره وه شــــا
بی واذه ئاما میمانی گـــــــیانی
فره حه ش وسته گه رذوو ژیانی
زمین سه رمه سا گول که رو له نجــه
خانم به عیشوه ره شته نش په نجــه
میمان ئه ر به دل به ی یانـــــــه و دلا
دل وه شی وزو ئــه و یانه و گـــــولا
هه رچن بی واذه و بی خه بـــــه ر وارو
چه م بو فر شی پاش چوون شاذی مارو
منبع:وبلاگ شه مالوو نودشه ی
طبقه بندی: شعر،
ئازیز گولوو وه هاری
نه ده ی لانوو بی عاری
نه گنی شونه و ئه غیاری
حه ر واچی وه شله ی پاری
که م گیله یانه و یانه
چ قه وم بو یا بیگانه
دیر یا زوو ئاورووت به را
سووک و بی قه درت که را
ئینه واتی وه راسه ن
نه واچی ده نگ و باسه ن
مه جلیسه نه فره مه دوه
هیچ و پووچ ویته و مه خوه
تا نه دیه بوت مه واچه
با نه وی ده سه پاچه
حه ق سه ربه رز و سه رکه وته ن
دروزن ساتیو نه سره وته ن
به قه ولیت وه فا که ره
شه رته کیت تا سه ر به ره
دوس و دوژمه ن بژناسه
خاس و خرابیچ حه ر پاس ه
نه خه له تنانیت به زه ر
په ی ملله تیت بی به شه ر
ده خیل هه رکه س بی زه را
نه واچینه بی فه را
گیانم به خیلی به لان
دلی بی کینه قه لان
ویت پاریزنه جه به لای
تا بی ساحیبوو قه لای
هه تا زانا بی که ما
نه فامی ده رد و خه ما
موچیارین په ی من و تو
دایمه جه یادمانه بو
فتح اله رضایی
طبقه بندی: شعر،
واته‌و وه‌ڵینــــــــا شیـــــرین و به‌رزا * * نگــــــاداریشا په‌ی ئێمـــه فــــــه‌رزا
خاسشا فــــــه‌رماوان واته‌شا ڕاسا * * تووڵـــــه به خامی چه‌میــۆوه خاسا
نه‌زانی عــــه‌یبا، په‌رســـــا به و دانا * * غافـــــڵ نه‌بینه هــــــانا ســه‌د هانا
هه‌ر چێوه‌ی فره بۆ سووک و هه‌رزانا * * عێلم تا فـــــــره بۆ قیمه‌تش گــــرانا
عاقڵ حاڵیشـــــــــا به یه‌ک ئیــشاره * * به‌ڵام بێ عــــــــه‌قڵ مهر به قه‌ناره
که‌سێوه خــــه‌موو ئابڕوویش نــه‌وه‌رۆ * * هه‌ریاگێـــــو وا بۆ چا شـــــه‌نه که‌رۆ
مانگه مه‌مـــانۆ جه په‌شتــه‌و هه‌وری * * نه‌بی به یــــــــاروو نامــه‌رداو ده‌وری
ئه‌ر گــــــــوڵ نیه‌نی مه‌بــــه به دڕه‌ی * * نه‌بی بایێســــوو ئاژاوه و قــــــــڕه‌ی
ئننه لــــــــوه باوان جلت چێـــــــر یاوا * * نه‌کـــــــــه‌ری کارێو بۆ جــه‌نگ و داوا
کاکه مـــــه‌که‌ره قسێ بێ هــۆشێ * * ماچـــا دیوارا هه‌نێشا گـــــــــــۆشێ
قسێــوه‌ت کــه‌رده که‌وته سی ددانێ * * به وێت مـــــه‌زانی گێڵــۆ سی یانێ
نه‌وس گێره‌ش که‌ما، په‌ڕوو مشتێـوه‌ن * * به‌ڵام وه‌رش ده‌ی، ده‌ر و ده‌شتێـوه‌ن
خرابه مـــــــه‌واچه تا خــراب نه‌ژنه‌وی * * حه‌ر خاسه کـــه‌ره چن ئێدی و ئه‌وی
هــــه‌ر وه‌ختێو ملی ئه‌و شــاروو کۆرا * * چه‌مێ وێت بینه تا قـــــــــــه‌درت گێرا
نه‌بۆ هــــــــه‌رمانه‌ت بــــــۆختان و درۆ * * وژدانت مــووسۆ و مــــــــــروه‌تت مرۆ
ئارۆ دنیانه، ســـــــــه‌وای قیامــــــــه‌تا * * نه‌بی هـــامشانوو چــــه‌کچنا و چه‌تا
هه‌تاکوو فــــه‌رز هه‌ن، سننــه‌ت به‌تاڵا * * که‌لامت حـــــــــه‌ق بۆ، با واچــــا تاڵا
دۆست دڵســـۆزا با جار جار گـــراونۆت * * نه‌خـه‌ڵه‌تیه‌ینه ئه‌ر دوژمـه‌ن لاونــــۆت
ئه‌وه‌ڵ خه‌یره‌ت بۆ په‌ی قه‌وم و خـوێشا * * دماته‌ر گێـــره ده‌ســـــــــوو ده‌روێشا
قه‌وم گۆشتت وه‌رۆ پێشه‌ت مــه‌مـــاڕۆ * * ئه‌غیـــــار په‌یش کـریۆ ئه‌ننامیت هاڕۆ
بێ وه‌فای سفڵـه چن وه‌رگــــــی وه‌رۆ * * چه‌نی شوانه‌ی و مه‌ی شیوه‌ن که‌رۆ
ئه‌ر خـــــــودای گـــه‌وره پای دۆ به مارا * * ڕه‌حــــم مـــــه‌که‌را به گـــــــه‌ڵاو دارا
زاڵم زه‌واڵــــــش په‌ی یاڤــــــۆ ڕاســــا * * په‌له مــــه‌که‌ره ســـــــه‌برت بۆ خاسا
ماچـا وه‌رێســــــه‌ی تننه زوو بڕیــــــــۆ * * حه‌ر پاســه ته‌پــــــڵوو به‌د نامی زڕیۆ
کار کانگـــــــــه ترازیـــــــــۆ برا یاوا برازا * * که‌سی مـــــــه‌که‌ره مــه‌حره‌موو ڕازا
براییما بــــــــــرایی، جیا بۆ کیســــه‌ما * * تا کــــــه‌س نه‌تاڤـــــۆ بۆ ده‌سیسه‌ما
نه‌ده‌ینه ســــــــه‌روو پرده‌و نامـــــه‌ردی * * با نه‌بــۆ مایه‌و کــــزی و ڕه‌نگ زه‌ردی
ڕازیه‌نا خـــــودا زوو بدۆ مـــــــه‌رگـــــم * * پا شـــــــــه‌رته نامــه‌رد نه‌که‌رۆ به‌رگم
هه‌ر که‌سێـو شێوه‌ش ڕاســــه‌ن و پاکا * * سه‌ربـــــه‌رز و ئازاد بێ تــه‌رس و باکا
جوانــه‌نی یا پیر، گـــــــه‌دانی یا میـــر * * هـــۆشیار به خـودات به‌رنه‌شۆ جه ویر
فه‌رامـــۆش نه‌بۆ شــــوکروو نه‌عمه‌تی * * تا وارۆ سـه‌رت هــــــــه‌وروو ڕه‌حمه‌تی
"ڕه‌زایی" گـــۆش ده پی واته وه‌شــــا * * وێت به‌شــدار که‌ره چی گــــردو به‌شا
طبقه بندی: شعر،
.: Weblog Themes By Pichak :.
