|
هه‌ورامان هانه‌به‌رچه‌م روزنه‌ای به زیبایی‌های هورامان
| ||
|
منوی اصلی
نویسندگان لینک دوستان
پیوندهای روزانه |
کەلەبەروو شێعرا(۲۱۰) دیم تا سەر نیەن دنیا تاو تاوەن هەر تاوە ڕەسمێ جه دنیا باوەن نه خەم مەمانۆ تا سەر جه لامان نه شادٚی دایێم مێوه سەر ڕامان دڵم وەش نەکەرد شادٚی ئاما لام چوون زانام تاوێ شیرین کەرۆ کام زانام خەم تەنیا مازیەکەم چەمناش حەسرەتم نەوارد نەواتم ئەی کاش دیم وەفاش پەی کەس نیەن ئی دنیا ئێنسان مۆرێوەن ئەمانەت چنیا دیم گیانمان بەسته به تاڵێ موویەن وەشبەخت ئا کەسەن که سەنا گوویەن وەشبەخت ئانەنه دڵان کەرۆ شادٚ حەر خاسه کەرۆ و مدٚۆنەش وه بادٚ نابەخەت ئانەنه کینه بەرۆ دڵ دڵش نەسرەوتەن جه ئێش و جه چڵ تا ڕاس ڕا بلمێ خاس مێ وە ڕامان پای کەجما نیا بەدٚ مێوه دامان کەس عادز نەبۆ به دەسمان ئامان خودٚای چی بارەو پاسەش فەرماوان حەقوو وێم یاوا بوو به کەڕ و کاس مەویەروو هەرگیز من جه حەقونناس ئەر بەندٚە وینۆ به دەسما عەزاب سەوای قیامەت مەنمه بێ جواب چوار ڕۆی دنیا شادٚی بەش کەرمێ گردٚش فانیا دڵان وەش کەرمێ #حەمەزەمان_مورادی دەور دۆ جەهەوار هەسارەی سوەیل ڕەسەد ڪارش بۆ ، خاڵ بۆ نیشانە تەشریفش بزیۆ جەوەر هەیوانە بەۆچەم وینای بێ مانەن بد٘یۆ بزانۆ چەنی چەم ئازیزم گلیۆ ڕەسمێ ڪیانۆ پەرێ چەمانم تا بەربێ جە بێخ تاڵی خەمانم من بەدوودید٘ەی ڕەمەد٘ بارەوە نیام هێز وهۆش جەی دیارەوە مەگەر بەسیرەت یاونۆم ئاتاقە نزم بۆ جەلام دەرڪ و دەلاقە سادەی قیبلەکەم ، بزیە ئا بانە باوەس بڪێشوو تەشەر وتانە دەوای دڵ وچەم لاتەو هەرزانەن ئەرنا دەوای دڵ بەرئامای گیانەن #حامی-غەریبی
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۲۱۰)، نوشته شده در تاریخ شنبه 22 آذر 1399
توسط همایون محمدنژاد
ویرەوەریێو جە ویەردەی جە چەموو دووربینی/هومایون موحەممەدنژاد     برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ویرەوەریێو جە ویەردەی جە چەموو دووربینی/هومایون موحەممەدنژاد، نوشته شده در تاریخ پنجشنبه 20 آذر 1399
توسط همایون محمدنژاد
کەلەبەروو شێعرا(۲۰۹) مەگەر... فچنوو گۆشوو وایەو هەروەخت... ڕاش کەوتە سەرکەشەکاو هەورامانی گڤنۆ گۆشوو نەچیراوە بێ خەم بووسا سەرکەشاوە سەیادٚ نەمەن و ڕاوچی وتەن واچۆ کەڵی ورکەش نەبۆ دەساوەندەسوو کۆنەهەواری پێقەو نەچیری دەنگ مدٚۆوە..... #هومایون_موحەممەدنژاد https://www.instagram.com/p/CIoXrBhMpoJ/?igshid=14bv580b57cr9 ڕۆحێ پەرێ تۆ پەرۆش بۆ، با بۆ!! چوون کوورەی ئاهیر بە جۆش بۆ، با بۆ!! بازە با سۆچۆ بە شەرای دووریت ئەر بۆ بە قەقنەس، پەی تۆ بۆ ، با بۆ #سوهراب_مورادنیا
ادامه مطلب برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۲۰۹)، نوشته شده در تاریخ پنجشنبه 20 آذر 1399
توسط همایون محمدنژاد
ئەیزەن بوەو ڕەگەز پرسی/وەلی فەتاحی فرەیچ قەدٚیمی نیا بەڵام ئەوەڵین دەورەو فووتباڵوو جامی جەهانی کە جە «ئۆرۆگۆئە» جە ساڵەو 1930یەنە لوا ڕاوە، تەنیا چوار کێشورێ جە ئرووپاوە لوای بێنێ پەی ئامریکای لاتینی تا چەنی نۆ کێشوەراتەری ئەچا قاڕەنە جە جامی جەهانیەنە شێرکەت کەرا. دیارا هیچکام ئەچی کشوەرا وەڵتەر هۆرنەچنیای بێنێ و هەرکام کە ئازاو فدراسیۆنوو جەهانی فووتباڵی بێنێ تاوێنێ ئەچی مسابێقەنە حزوورشا بۆ. سەرجەم تەنیا سێنزە وەڵاتێ حازرێ بیێبێنێ. یۆ ئەچا چوار کێشوەرە ئرووپایە کە بە سواری کەشتی لوای تا ئەچا مسابێقەنە بەشداری کەرۆ«فەرانسە» بێ. دمای 90 ساڵا هیزی شەوە تیمێوی فەرانسەی و تیمێوی ترکیەی بازیشا بێ! ئەرێ، هیزی شەوێ جاموو باشگاکا ئرووپای گەمەشا بێ. بڕێوشا بەردٚشا و بڕێویچ بریای و ئەجۆم یۆ دوێویچشا بەرابەرێ بیێ. بەڵام یۆ ئەچا گەما نیمە چڵ کریا و ئیدامەش نەدٚریا. یاگێ سەرەنجیەنە کە چی گەمەو بەینوو«پاری سن ژرمن»ی فەرانسی و« باشاک شهیر»ی ترکیەی مشیۆ ئێشەو تێکرار بۆوە؟ داوەری چوارەم بە داوەروو دلێ زەمینی ماچۆ: «کارتی سوور بدٚە بە ئا مربیە سیاو پۆسەیە » داوەریچ ئازا گۆرج و گوڵ بە مرەبی ڕەنگ سیاوی کارتش دا و مرەبی ئێخراج کریا. ئەچی حەیس و بەیسەنە کە دەیەقەو ویسوو بازی بێ، گەمەکەرێکێ تیموو باشاک شهیروو ترکیەی بە بەهانێ ئینەیە کە جەنابوو داوەری فەرماوان کارت دە بە ئا مرەبیە سیاو پۆسەیە و بە کار بەردٚەی ئی جۆرە کەلیما ئێهانەتا و ویری ڕەگەز پرسانە زیندٚە کەرۆوە، زەمینوو فووتباڵیشا ئاس جیا و زیایرە و بازیشا نیمەچڵ کەردٚ. ئینە تا ئەوێگە ڕەنگا چێوێوی تەبێعی بیە بۆ و جارای تەریچ جە لایانوو تیمای تەریچەو ئەواخوا بیەنەو یاگی تەعاجبی نیێنە، بەڵام ئینە کە تیموو پاری سن ژرمنی چ زەمینش ئاس جیا و واتشا ئێمەیچ حازرێ نیێنمێ گەمە کەرمێ چوون ئەچی گەمەنە کەلیمێ ڕەگەز پرسانێ ئاماینێ دەموو داوەریەنە، یاگێ نە تەنیا تەعاجبی بەڵکووم یاگێ سەرەنجوو تەحلیلی تایبەتیا. سەرپرسەکێ پاری سن ژرمنی تاوێنێ زەمینی تەرک نەکەرا و تەنانەت جە قانوونوو یەرێ بە هیچی گەمەکەی بە مەنفەعەتوو وێشا تەمامنا، بەڵام ئی هەرمانێشا بە شانازی نەزانا و ئادٚیچێ زەمینشا ئاس جیا و ئەچی بەردٚە بێ زەحمەتەیە دەسێشا شۆرتێ تا دەرسوو گەورەیی و فەزیلەتیشا دا بۆ بە فرەو ئانیشا کە گردٚ چێوێوی تەنیا جە بەردٚەی وێشانە وینا، بە تایبەت بە تیموو ترکیەی!! ئانە بێ کە یوفای ئێعلامش کەردٚ ئێشەو گەمەکەشا ئەواخوا بۆوە. بەڕاسی یاگێ من جە مۆبارێزە چەنی ڕەگەز پرسی ئینا چکۆوە؟ وەلی فەتاحی 99/9/19 https://uupload.ir/files/1mlq_01551677.jpg برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ئەیزەن بوەو ڕەگەز پرسی/وەلی فەتاحی، نوشته شده در تاریخ چهارشنبه 19 آذر 1399
توسط همایون محمدنژاد
"شۆنەمای ئەرێنیەو مووسیقی ملوو سەمەروو دار و درەختی و نەوەشیرە!"
هەورامیەکێ دەها ساڵێ وەڵێ پڕۆفسۆر "ماسارۆ ئیمۆتۆ"ی ژاپۆنینە زانانشا دەنگ وەشی و مووسیقی شۆنەمای ئەرێنیە منیۆ ملوو ڕێزینەکاو ئاوێ و سەمەروو دار و درەختیرە!!
چی چند٘ ساڵی ویەرد٘ەنە یۆ چا دەسکەوتە عێلمی و سەمەرا کە دنیاش چڵاکنارە و خەڵکش حەیران و پەنجە بە دد٘ان کەرد٘، دەسکەوتە عێلمی و پەیجۆریەکێ پڕۆفسۆر "ماسارۆ ئیمۆتۆ"ی ژاپۆنی سەروو ورد٘ کەرد٘ەی و خێرا گرسنای (کریستالیزە کردن) "ڕێزینە"کاو (مولکول) ئاوێ بێنێ.
پڕۆفسۆر "ئیمۆتۆ" دلێ زەنجیرە تاقیکاریەکاشەنە پی نەتیجەیە یاوا کە دەنگی وەش، نیەتی خەیر، مووسیقا، دۆعا، نویستەی وەش، ویر و فکر و باوڕی عال، چێوی زەریف و جوانخاس، هۆرپڕای، کەیف و وەشی و ... شۆنەمای عالە و ئەرێنیە منیا ملوو ڕێزینەکاو ئاوێرە و شکڵ و شێوارشا ڕوو بە زەریفی و جوانخاسی فاڕیۆ و چەپەوانەیچش دەنگی گول، نیەتی خراب، ویر و باوڕ و فکری خراب، نویستەی ناشیرین، چێوی زەڕەتاڵ و بەد٘ تەشک و ... هەر پا شێوە شۆنەمای خرابە و نەرێنیە منیۆ ملوو ڕێزینەکاو ئاوێرە و شکڵ و شێوارشا بە بەد٘ تەشکی و بەد٘ دوختێ فاڕیۆ.
تاخایت ئاوی مرد٘ێ بە پاو ئاوێ جاریێ ڕێزینەکێش ئاسمان تا زەمین فەرق کەرا و ئاوەو بەند٘اوەکا، ئاوەو ئا دەرا کە دلێ شارەکارە ویەرا یا ئا ئاوێ کە بە لوولێ ملۆ دلێ یانەکا، ڕێزینەکێش چەنی ئاوەو هانەچەمەکا کە دلێ تاش و تەوەنینە جۆشیۆ، فرە و فراوان فەرق وزا.
"ئیمۆتۆ" ئی چێوێشە جە وەڵاتە جۆر بە جۆرەکانە و بە زوانێ جۆر بە جۆرێ تاقیێ کەرد٘ێوە و پی دەسکەوتە عێلمی و زانشتیە یاوا.
هەورامانوو ئێمەیچەنە خەڵکی ساحیب ئاوەز و ویرمەند٘ دەها ساڵێ وەڵێ پڕۆفسۆر ئیمۆتۆینه چێوی چیمنەشا تەجرەبە کەرد٘ەن و ژیوای ڕوانەشانە کەلکشا چەنە گێرتەن.
یۆ چا چێوا شۆنەماو دەنگی وەشی و مووسیقای بیێنە ملوو سەمەروو دار و درەختیرە و چارەسەر کەرد٘ەی نەوەشیرە.
هەرپاسە کە گرد٘یما مزانمێ بە پاو پیمانە و مەزند٘ە عێلمیەکا بەشێوە فرە جە لاشەو نەمرتاتی و زیند٘ەوەرەکا (موجودات زندە) بە گیاندار و گژ و گیواوەوە جە ئاوێ وەش بیەن.
دیارا بە پاو دەسکەوتە عێلمیەکاو پڕۆفسۆر ئیمۆتۆی مشیۆم لاشەو ئی زیند٘ەوەرا شۆنەمای هۆرگێرۆ چا چێوا کە وەڵتەر باسما سەر کەرد٘ێ؛ چوون بەشی فرەو لاشەیشا جە ئاوێ وەش بیەن.
تیسمایل: مشیۆم ئاژەڵ بە سیاوچەمانێوە ڕۆح ئەفزاو مامۆسا ئۆسمانی یا دەنگوو شمشاڵێوە وەشێ وەش لەوەڕیۆ یا ژەرەژێ پی دەنگە وەشا گنۆ کرکە کرک و وانای و وەشی و هێزی تایبە گنۆ دەروونشا. دیارا ئەگەر ئی هەرمانێ دەوامدارە بۆ ڕوەو دەماخی و سڵامەتیشاوە شۆنەمای عالە منیۆ و ئینە تەجرەبە کریان.
جا با بزانمێ پیرێ و ژیرێما دەها ساڵێ چەیوەڵتەر چەنیشا زانان دەنگ وەشی و مووسیقا ملوو سەمەروو دار و دەرختی و چارەسەر کەرد٘ەی نەوەشیره شۆنەمای ئەرێنیەش هەنە؟
لالۆ ڕەحمان خالێدی مەیشوور بە ڕەحمانە، خەڵکوو دەگاو کەیمنەیا. لالۆ ڕەحمانە یۆ جە سڕنا ژەنە نامیە و بلیمەتەکاو مەحاڵوو هەورامانین کە جە سەد٘ ساڵی ویەرد٘ەنە وێنەش نەبیەن و پێسە وێش هۆرمەگنۆوە.
کەمتەر زەماوند٘ێ گەورێ یا مەجلێسێوە شاد٘ی بیەن کە بە پێقەو سڕناو لالۆ ڕەحمانەی گەرم نەبیە بۆ.
ئی ئینسانە هونەرمەند٘ە پا بوومان و بەهرەیە کە بیەنش، دایم کەیف و وەشی و شەوقش وستەن دەروونوو خەڵکی و ئیسەیچ بەشێ جە ویرەوەری قەد٘یمیامانە مەنەن و بە وەشی و خەیر یاد٘ش چەنە کەرا.
بە پاو ئا پاپەی و پەیجۆریا کە چی بارەوە کەرد٘ێنێم، ئی چند٘ چێوەمە دەسگیرێ بیێنێ:
٭ جە دەموو ڕیش چەرماماوە کە بەینوو ٨۰ تا ۱۰۰ ساڵا عەمرشانە ئینەم دەس کەوتەن: "لالۆ ڕەحمانە گرد٘ ساڵێ ئەوەڵ وەهارە جە تەنگانەو بێرواسی تا دەرەو بیارێ (باخێ بێرواسی، کەیمنەی، هانەگەرمڵەی و بیارێ ئینێ چی مابەینەنە) گنێ دلێ ئا باخ و باخاتیە و سڕنا دێ وەنە پەی دار و درەختی، بەڵکوو سەمەری خاس گێرا. ماچۆ ئی مووسیقیە هەم جە پەرد٘اخی و دەماخی دار و درەختینە شۆنەمای عالە نیێرە، هەم دار و درەخت بەر و سەمەری عالتەر گێرێ و خاستەر یاونێش پەنە.
ماچۆ ساڵێشا پاسە ڕێک کەوت لالۆ ڕەحمانە نەتاواش ئی هەرمانێ کەرۆ و ئا ساڵە چلێ هامنی بێ سەبەب و بێ ئانەی دار و درەخت تووشوو هیچ نەوەشیە ئامابۆ، سەمەرش ڕێزا و بەرهەم ناما و باوڕ پاسنە بێ کە دەلیلەش ئانێ بێ کە ئا ساڵە ڕێک نەکەوت مووسیقاش پەی دریۆ وەنە."
٭ ماچۆ حاجی سەی سەعد٘ەدینوو کەیمنەی و لالۆ ڕەحمانە هامسا باخێ بێنێ و وەزکێ پاڵوو کۆگاکێ یانەو لالۆ ڕەحمانەی گرد٘ ساڵێ وەزی خاسێ گێرێ، بەڵام وەزەو پاڵوو کۆگاکێ یانەو حاجی سەی سەعد٘ەدینی نەگێرێ!
ڕوێ جە ڕوا حاجی بە لالۆ ڕەحمانەی ماچۆ (ڕەنگا فرەتەر بە تەشەرەوە واتە بۆش، گوایا ئێمە سەید٘ێ و ڕوو بە خود٘انمێ و دوور ئاد٘ی، شمە ...) ئەرێ ڕەحمانە ئانە وەزەکێ تۆ چی گرد٘ ساڵێ تەپۆ (سەمەری فرە گێرۆ)، بەڵام هینەکێ ئێمە وەزیش مەلکۆ پەووە؟!
ادامه مطلب برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،شۆنەمای ئەرێنیەو مووسیقی ملوو سەمەروو دار و درەختی و نەوەشیرە!" /سوبحان ئەمینی، نوشته شده در تاریخ چهارشنبه 19 آذر 1399
توسط همایون محمدنژاد
|
درباره وبلاگ
آرشیو مطالب
آخرین مطالب
موضوعات
آهنگ زمینه |
